Litríocht, Teanga agus Cultúr

Eachtra Mhic na Míochomhairle
le Cearbhall Ó Dálaigh
Leabharlann an Ruiséalaigh, M5, lch 94.

Tá traidisiún ag léann na Gaeilge i Maigh Nuad a théann siar go dtí deireadh an 18ú haois ach atá ag freagairt go beo don saol comhaimseartha ina mairimid agus súil ghéar aige, dá réir, ar thodhchaí na teanga. Is anseo a fhoilsítear Irisleabhar Mhá Nuad agus Léachtaí Cholm Cille ar bhonn bliantúil, iad ag cruthú spás criticiúil le go méadófar leithead agus scóip smaointeoireachta na teanga i gcónaí. A dhála sin, tá an foilsitheoir acadúil An Sagart faoi chúram Roinn na Nua-Ghaeilge agus saothair nua á mbeartú agus á bhfoilsiú ar bhonn leanúnach aige. Cuimsímid raon leathan ábhar faoin teideal Litríocht, Teanga agus Cultúr – léann na litríochta agus na lámhscríbhinní, an léann téacsúil, an scríbhneoireacht chruthaitheach, an traidisiún béil, an amhránaíocht, an teangeolaíocht, an teangeolaíocht fheidhmeach,  an chanúineolaíocht agus an tsochtheangeolaíocht, an fhoclóireacht, stair chultúrtha agus logainmníocht i measc ábhair eile. 

Naisc le haghaidh innéacsanna Léachtaí Cholm Cille https://www.maynoothuniversity.ie/nua-ghaeilge-modern-irish/l-achta-cholm-cille agus Irisleabhar Mhá Nuad https://www.maynoothuniversity.ie/nua-ghaeilge-modern-irish/irisleabhar-mh-nuad